husn ko be-hijaab honaa thaa
shauq ko kaamayaab honaa thaa
hijr me.n kaif-e-iztaraab na puuchh
Khuun-e-dil bhii sharaab honaa thaa
tere jalvo.n me.n ghir gayaa aaKhir
zarre ko aafataab honaa thaa
kuchh tumhaarii nigaah kaafir thii
kuchh mujhe bhii Kharaab honaa thaa
raat taaro.n kaa TuuTanaa bhii 'Majaz'
baa_is-e-iztaraab honaa thaa
Wednesday, October 7, 2009
husn ko be-hijaab honaa thaa
Subscribe to:
Post Comments (Atom)
No comments:
Post a Comment