nigaah-e-saaqii-e-naamaharabaa.N ye kyaa jaane
ki TuuT jaate hai.n Khud dil ke saath paimaane
milii jab unase nazar bas rahaa thaa ek jahaa.N
haTii nigaah to chaaro.n taraf the viiraane
hayaat laGzishe-paiham kaa naam hai saaqii
labo.n se jaam lagaa bhii sakuu.N Khudaa jaane
vo tak rahe the hamii.n ha.Ns ke pii gae aa.Nsuu
vo sun rahe the hamii.n kah sake na afasaane
ye aag aur nahii.n dil kii aag hai naadaa.N
chiraaG ho ke na ho jal bujhe.nge paravaane
fareb-e-saaqii-e-mahafil na puuchhiye "Majrooh"
sharaab ek hai badale hue hai.n paimaane
No comments:
Post a Comment