beniyaaz-e-sahar ho ga_ii
sham-e-Gam moatabar ho ga_ii
ik nazar kyaa idhar ho ga_ii
ajanabii har nazar ho ga_ii
zindagii kyaa hai aur maut kyaa
shab hu_ii aur sahar ho ga_ii
unkii aa.Nkho.n me.n ashk aa gaye
daastaa.N muKhtasar ho ga_ii
chaar tinake hii rakh paaye the
bijaliyo.n ko Khabar ho ga_ii
chhi.D ga_ii kis kii daaman kii baat
Khud_ba_Khud aa.Nkh tar ho ga_ii
un kii mahafil se uThakar chale
raushanii ham_safar ho ga_ii
'Tarz' jab se chhuuTaa kaaravaa.N
ziist gard-e-safar ho ga_ii
Monday, October 5, 2009
beniyaaz-e-sahar ho ga_ii
Subscribe to:
Post Comments (Atom)
No comments:
Post a Comment