isii me.n Khush huu.N meraa dukh ko_ii to sahataa hai
chalii chaluu.N ki jahaa.N tak ye saath rahataa hai
zamiin-e-dil yuu.N hii shaadaab to nahii.n ai dost
qariib me.n ko_ii dariyaa zaruur bahataa hai
na jaane kaun saa fiqraa kahaa.N raqm ho jaaye
dilo.n kaa haal bhii ab kaun kis se kahataa hai
mere badan ko namii khaa ga_ii ashko.n kii
bharii bahaar me.n jaise makaan Dahataa hai
Friday, October 2, 2009
isii me.n Khush huu.N meraa dukh ko_ii to sahataa hai
Subscribe to:
Post Comments (Atom)
No comments:
Post a Comment