tujh ko dariyaadilii kii qasam saaqiyaa

tujh ko dariyaadilii kii qasam saaqiyaa
mushtaqil daur par daur chalataa rahe
raunaq-e-maikadaa yuu.N hii ba.Datii rahe
ik girataa rahe ik sambhalataa rahe

sirf shabanam hii shaan-e-gulistaa.N nahii.n
sholaa-o-gul kaa bhii daur chalataa rahe
ashk bhii chashm-e-pur_nam se bahate rahe.n
aur dil se dhu_aa.N bhii nikalataa rahe

tere kabaze me.n hai ye mizaamii jahaa.N
tuu jo chaahe to saharaa bane gulistaa.N
har nazar par terii phuul khilate rahe
har ishaare pe mausam badalataa rahe

tere chehare pe ye zulf bikharii hu_ii
niind kii god me.n subah nikharii hu_ii
aur is par sitam ye adaaye.N terii dil hai
aaKhir kahaa.N tak sambhalataa rahe

is me.n Khuun-e-tamannaa kii taasiir hai
ye vafaa-e-muhabbat kii tasviir hai
aisii tasviir badale ye mumkin nahii.n
rang chaahe zamaanaa badalataa rahe